Smitha Sabarwal : ప్రభుత్వ అధికారుల బదిలీలు అనేది సర్వసాధారణంగా జర‌గ‌డం మ‌నం చూస్తూనే ఉన్నాం. అయితే కొన్నిసార్లు భారీగా ఐఏఎస్,ఐపీఎస్ ల బదిలీలు జరుగుతుంటాయి. మరికొన్ని సందర్భాల్లో పోస్టింగ్స్ విషయంలో అనేక సంచలన, ఆసక్తికరమైన పరిణామాలు చోటుచేసుకుంటాయి. తాజాగా తెలంగాణలో కాంగ్రెస్ ప్రభుత్వం ఏర్పడిన తరువాత భారీగా తొలిసారిగా భారీగా ఐఏఎస్ ల బదిలీలు జ‌రుగుతున్నాయి. అయితే ఐఏఎస్ అధికారిణి స్మితా సబర్వాల్ కి స్థాన చలనం అవుతుందా లేదా అనేది అంద‌రిలో సందేహం ఉండేది. కాని ఆమెకి కూడా బదిలీ అయింది.
రేవంత్ రెడ్డి ప్రభుత్వం ఏకంగా 26 మంది ఐఎఎస్ అధికారులను రేవంత్ రెడ్డి ప్రభుత్వం బదిలీ చేసింది. సీనియర్ అధికారులు స్మిత సబర్వాల్, రాహుల్ బొజ్జా, అహ్మద్ నదీం, బెన్హర్ మహేష్ దత్ ఎక్కా, క్రిస్టీనా జెడ్ ఛొంగ్తు, సందీప్ కుమార్ సుల్తానియా, డీ కృష్ణ భాస్కర్, జ్యోతి బుద్ధ ప్రకాష్, ఎం రఘునందన్ రావు, బీ వెంకటేశంతో పాటు పలువురు అధికారులు బదిలీ అయ్యారు. డాక్టర్ మర్రి చెన్నారెడ్డి మానవ వనరుల అభివృద్ధి సంస్థ అదనపు డీజీ బెన్హర్ మహేష్ దత్ ఎక్కా గనుల శాఖ ముఖ్య కార్యదర్శిగా బదిలీ అయ్యారు. అక్కడ పూర్తి స్థాయి అదనపు బాధ్యతలను నిర్వహిస్తోన్న ప్రభుత్వ ప్రధాన కార్యదర్శి శాంతికుమారి రిలీవ్ అయ్యారు. కార్మిక శాఖ కమిషనర్ అహ్మద్ నదీంను ప్రణాళిక శాఖ ముఖ్య కార్యదర్శిగా నియమించారు.
అయితే స్మిత కొద్ది రోజుల క్రితం సీత‌క్క‌ని కలిసింది. ఆ రోజు ఆమె ముందు కాలి మీద కాలు వేసుకొని కూర్చున్న‌ట్టుగా ఓ ఫొటో వైరల్ అయింది. ఈ ప్ర‌భావంతోనే స్మిత సబర్వాల్ కూడా బదిలీ అయింద‌ని చెబుతున్నారు. మ‌రి ఇందులో ఎంత నిజం ఉంద‌నేది తెలియాల్సి ఉంది. కాగా, ముఖ్యమంత్రి కార్యదర్శిగా ఉన్న స్మిత సబర్వాల్‌ను బదిలీ చేసిన ప్రభుత్వం ఆమెను తెలంగాణ ఆర్థిక కమిషన్ సభ్య కార్యదర్శిగా నియమించింది. అక్కడ ఎఫ్ఏసీగా ఉన్న సందీప్ కుమార్ సుల్తానియా రిలీవ్ అయ్యారు.
