CM Revanth Reddy : తెలంగాణ మాజీ ముఖ్యమంత్రి , బీఆర్ఎస్ అధినేత గురువారం అర్థరాత్రి బాత్‌రూమ్‌లో కాలు జారిపడటంతో తుంటికి గాయమయింది. దీంతో హుటాహుటిన ఎర్రవెల్లి ఫామ్‌హౌస్‌ నుంచి సోమాజిగూడలోని యశోద ఆస్పత్రికి తరలించారు. వెంటనే వైద్య పరీక్షలు చేసిన డాక్టర్లు, సీటీ స్కాన్‌ కూడా చేసి శస్త్రచికిత్స అవసరం అని అది కూడ చేశారు. కేసీఆర్ కోలువుకోవాల‌ని చాలా మంది పూజలు కూడా చేస్తున్నారు. అయితే ప్రస్తుతం ఆసుప‌త్రిలో చికిత్స పొందుతున్న కేసీఆర్‌ని రేవంత్‌తో పాటు ప‌లువురు నేతలు ప‌రామ‌ర్శించారు. రేవంత్ రెడ్డితో పాటు మంత్రి సీతక్క, షబ్బర్ అలీ ఉన్నారు.. కేసీఆర్ ఆరోగ్య పరిస్థితిపై కేటీఆర్‌ను అడిగి వివరాలు తెలుసుకున్నారు రేవంత్.
అనంతరం మీడియాతో మాట్లాడిన రేవంత్.. కేసీఆర్ ఆరోగ్య పరిస్థితి తెలుసుకున్నాని చెప్పారు. అవసరమైన అన్ని జాగ్రత్తలు తీసుకోవాలని సీఎస్, సంబంధిత అధికారులను ఆదేశించినట్లు చెప్పారు. ఆయన త్వరగా కోలుకొని శానససభకు రావాలని.. సభలో ప్రజా సమస్యలపై మాట్లాడాలని చెప్పారు. ఆయన కోలుకుంటున్నారని.. ఆయన ఆరోగ్యం నిలకడగా ఉన్నట్లు డాక్టర్లు చెప్పినట్లు తెలిపారు. అంతకు ముందు మంత్రి పొన్నం ప్రభాకర్ యశోద ఆస్పత్రికి చేరుకొని కేసీఆర్ ఆరోగ్య పరిస్థితి గురించి తెలుసుకున్నారు. కేటీఆర్, హరీష్ రావులతో మాట్లాడి వివరాలు తెలుసుకున్నారు.
ప్రస్తుతం కేసీఆర్ దగ్గర కేటీఆర్ ,కవిత ,హరీష్ రావు ఉన్నారు. శుక్రవారం జరిగిన తుంటి ఎముక మార్పిడి సర్జరీ విజయవంతం కావడంతో.. డాక్టర్ల పర్యవేక్షణలో ఆయన నడవడానికి ప్రయత్నిస్తున్నారు. ఈ మేరకు శనివారం సాయంత్రం యశోద ఆసుపత్రి వైద్యులు రెండో రోజు హెల్త్‌ బులిటెన్‌ విడుదల చేశారు. కేసీఆర్ ఆరోగ్యం ప్రస్తుతం నిలకడగా ఉందని.. ఆయన్ను నిత్యం వైద్య బృందం పర్యవేక్షిస్తోందని చెప్పారు. బెడ్‌ మీద నుంచి లేచి నడవగలుగుతున్నారని అన్నారు. ఆర్థోపెడిక్‌, ఫిజియోథెరపీ వైద్యుల పర్యవేక్షణలో కేసీఆర్ నడుస్తున్నారని తెలిపారు.
