Telangana Exit Polls : కొన్ని రోజులుగా తెలంగాణ ప్ర‌జ‌లు ఎప్పెడ‌ప్పుడు ఎన్నికలు జ‌రుగుతాయా, ఏ పార్ట అధికారంలోకి వ‌స్తుందా అని ఎంతో ఎదురు చూస్తూ వ‌స్తున్నారు. అయితే తెలంగాణతో సహా ఐదు రాష్ట్రాల్లో అలా పోలింగ్ ముగిసిందో లేదో.. ఇలా ఎగ్జిట్ పోల్స్ వచ్చేశాయ్. ఇప్పటికే.. మధ్యప్రదేశ్, రాజస్థాన్, ఛత్తీస్‌గఢ్, మిజోరంలో పోలింగ్ ముగియగా.. తెలంగాణలో నవంబర్-30న పోలింగ్ జరిగింది. శుక్రవారం సాయంత్రం 5.30 గంటలకే ఎగ్జిట్ పోల్స్ విడుదల చేసుకోవచ్చని ఎన్నికల కమిషన్ చెప్పడంతో.. అనుకున్నట్లుగానే ప్రముఖ సర్వే సంస్థలు జోస్యాలు చెప్పుకొచ్చాయి. రాష్ట్రంలో మొత్తం 119 అసెంబ్లీ నియోజకవర్గాలకు ఎన్నికలు జరగ్గా.. ముచ్చటగా మూడోసారి బీఆర్ఎస్ పార్టీనే గెలవబోతోందని కొన్ని ఎగ్జిట్ పోల్ సర్వేలు తేల్చగా.. కాంగ్రెస్‌దే అధికారమని మరికొన్ని ఎగ్జిట్ పోల్స్ చెప్పేశాయి.
తెలంగాణ ఎన్నికలపై ఎగ్జిట్ పోల్స్ చూస్తే… పోల్ ట్రెండ్స్‌ అండ్‌ స్ట్రాటజీస్ వచ్చేసి కాంగ్రెస్ 65-68, బీఆర్ఎస్ 35-40, బీజేపీ 7-10, ఇతరులు 6-9 అని చెప్పేశాయి. చాణక్య స్ట్రాటజీస్ చూస్తే కాంగ్రెస్ : 67-78, బీఆర్ఎస్ : 22-31, బీజేపీ : 6-9, ఎంఐఎం : 6-7 అని తేల్చాయి. సీ-ప్యాక్ చూస్తే.. కాంగ్రెస్ : 65, బీఆర్ఎస్: 41, బీజేపీ : 04, ఇతరులు : 09 అని చెప్పాయి. ఆరా చూస్తే.. బీఆర్ఎస్ : 41-49, కాంగ్రెస్ : 58-67, బీజేపీ : 5-7, ఇతరులు : 7-9 అని అన్నాయి. పల్స్ టుడే విష‌యానికి వ‌స్తే.. బీఆర్ఎస్ : 69-71, కాంగ్రెస్ : 37-38, బీజేపీ : 03-05, ఎంఐఎం : 06, ఇతరులు : 01 అని అన్నాయి.
సీఎన్ఎన్ న్యూస్-18 చూస్తే.. బీఆర్ఎస్ : 48, కాంగ్రెస్ : 56, బీజేపీ : 10, ఎంఐఎం : 05, ఇతరులు : 00 అని ప్ర‌క‌టించాయి . ఇండియా టీవీ సీఎన్ఎక్స్ ఎగ్జిట్ పోల్స్ కాంగ్రెస్:63-79 బీఆర్ఎస్:31-47 బీజేపీ:02-04 ఎంఐఎమ్:05-07 ఇతరులు:00 అని తెలిపాయి. జన్ కీ బాత్ ఎగ్జిట్ పోల్స్ కాంగ్రెస్:48-64 బీఆర్ఎస్:40-55 బీజేపీ:07-13 ఎంఐఎమ్:04-07 ఇతరులు:01 అని ప్ర‌క‌టించాయి. సీసీఎస్ తెలంగాణ ఎగ్జిట్ పోల్స్ కాంగ్రెస్:31-41 బీఆర్ఎస్:76-78 బీజేపీ:01-03 ఇతరులు:07-09 అని అన్నాయి.
