Barrelakka : తెలంగాణ ఎన్నికల ప్రచారంలో బర్రెలక్క అలియాస్ శిరీష హాట్ టాపిక్ అవుతుంది. ప్రస్తుతం ఎన్నికల బరిలో దిగి.. తెలంగాణలో ఓ సంచలనంగా మారింది. నాగర్ కర్నూల్ జిల్లా కొల్లాపూర్ నియోజకవర్గం నుంచి బర్రెలక్క పోటీ చేస్తున్నా.. తనకు రాష్ట్ర వ్యాప్తంగా మద్దతు లభిస్తోంది. నిరుద్యోగుల సమస్యలపై పోరాడేందుకు బరిలో దిగేందుకు నిర్ణయించుకున్న బర్రెలక్కకు.. కేవలం యువత నుంచే కాదు అన్ని వర్గాల నుంచి మద్దతు లభిస్తోంది. పార్టీలకతీతంగా కొందరు రాజకీయ నాయకులు కూడా ఆమె ధైర్యాన్ని మెచ్చుకుంటూ గెలవాలని కోరుకుంటున్నారు. ఒంటరిగా నామినేషన్ వేసిన బర్రెలక్క వెంట ఇప్పుడు ఓ సైన్యమే కదులుతోంది.
ఆమెతో ఏమవుతుంది అని అనుకున్న‌వాళ్ల‌కి ఇప్పుడు టెన్షన్‌తో చెమటలు పడుతున్నాయి. సో కాల్డ్ రాజకీయ పార్టీలలా.. వేల కోట్ల ముచ్చట్లు ఆమె చెప్పట్లేదు. సామాన్యునికి కావాల్సిన కనీస మౌలిక సదుపాయల గురించి.. సగటు నిరుద్యోగి బాధల గురించే ప్రచారంలో ప్రస్తావిస్తూ.. అందరినీ ఆలోచింపజేస్తోంది బర్రెలక్క. ఎన్నో బెదిరింపు కాల్స్ వచ్చినా.. దాడులు జరిగినా.. పోలీసులు రక్షణ కల్పించకపోయినా.. మొక్కవోని ధైర్యంతో.. తనతో కలిసి నడుస్తున్న యువతే కొండంత అండగా ముందుకు సాగుతోంది. తాను కచ్చితంగా గెలుస్తానని.. అది కూడా మంచి మెజార్టీతో విజయం సాధిస్తానంటూ కాన్ఫిడెంట్‌గా చెప్తోంది.
బర్రెలక్కనా.. ఆమె వల్ల ఓ వెయ్యో.. రెండు వేల ఓట్లో చీలుతాయి కావొచ్చు.. అంతకంటే మాకు కలిగే నష్టమేమి లేదు.” అంటూ.. కనీసం ఆమెను లెక్కకు కూడా తీసుకోకుండా మాట్లాడిన నాయకులే ఇప్పుడు ఆందోళన చెందాల్సిన పరిస్థితి. అయితే ఇప్పుడు ఆమె బ్యాంక్ బ్యాలెన్స్ ఎంత అనేది చ‌ర్చ‌నీయాంశం అయింది. బర్రెలక్క నిజాయితీ చూసి చాలా మంది ఆమెకి కొంత మ‌నీ పంపాల‌ని భావించారు. అయితే ఆమె ఫోన్ పే, జీ పే ప‌ని చేయించుకుండా చేశార‌ని బర్రెలక్క అంటుంది. ఎవ‌రు ఎంత పంపిన అది ఫెయిల్డ్ అని వ‌స్తుంది. నాకు రెండు కోట్ల రూపాయ‌లు వ‌చ్చాయ‌ని ప్ర‌చారం చేస్తున్నారు. నిజంగా అంత మ‌నీ నాకు వ‌స్తే వాట‌న్నింటిని కూడా ప్ర‌జా సేవ‌కే ఉప‌యోగిస్తానంటుంది బర్రెలక్క.
