Getup Sreenu : ఆగ‌స్ట్ 11న విడుద‌ల కానున్న భోళా శంకర్ మూవీ ప్ర‌మోష‌న్స్ జోరుగా సాగుతున్నాయి. గ‌త రాత్రి ప్రీ రిలీజ్ ఈవెంట్ జ‌ర‌గ‌గా అంత‌క‌ముందు చిత్ర బృందం క‌లిసి ఓ ఇంట‌ర్వ్యూలో పాల్గొన్నారు. భోళా శంకర్ చిత్రం కోసం హీరో మెగాస్టార్ చిరంజీవి, హీరోయిన్ తమన్నా భాటియా, కీర్తి సురేశ్, దర్శకుడు మెహర్ రమేశ్ ఓ ఇంటర్వ్యూ ఇచ్చారు. కమెడియన్ గెటప్ శీను వారిని ప్రశ్నలు అడిగారు. ఈ క్రమంలో చిరంజీవి, కీర్తి సురేశ్‍కు కొన్ని ఆసక్తికరమైన ప్రశ్నలు ఎదురయ్యాయి. వీటికి చిరంజీవి తన మార్క్ చతురతతో అద్భుతంగా సమాధానాలు చెప్పారు.
చిరుకి చెల్లెలిగా చేశారు, రేపొద్దును హీరోయిన్‌గా చేస్తారా అనే ప్ర‌శ్న కీర్తి సురేష్‌కి ఎదురు కాగా, త‌ప్ప‌కుండా చేస్తాన‌ని ఆమె చెప్పుకొచ్చింది. అదే సమయంలో చిరు మాట్లాడుతూ.. సీనియర్ ఎన్టీఆర్, మహానటి సావిత్రి గురించి గుర్తు చేశారు చిరూ. “రక్త సంబంధం సినిమాలో మహానటి సావిత్రి, రామరావు గారు అన్నా చెల్లెలిగా చేసి.. ఆ తర్వాత సుఖదుఃఖాలు లాంటి చిత్రాల్లో అలా (హీరోహీరోయిన్లు) చేశారు. ఆటోమేటిక్‍గా యాక్సప్టెన్స్ వస్తుంది” అని చిరంజీవి అన్నారు. సినిమాలో అన్నా చెల్లెళ్లుగా చేశారు కదా అని.. లైఫ్‍టైమ్ అన్నా చెల్లెళ్లుగా చేయకండి. నాకు ఇష్టం లేదు అని చిరంజీవి అన్నారు.
సరదాగా కీర్తి సురేశ్ చేయి పట్టుకొని నవ్వారు. అది సినిమా వరకే అని చిరంజీవి అన‌డంతో… కీర్తి సురేశ్ కూడా నవ్వుతూ ‘ఎస్.. నేను కూడా’ అని అన్నారు. మొత్తంగా ఈ చిట్‍చాట్ మొత్తం సరదాగా సాగింది. ఓ దశలో.. గెటప్ శ్రీను ఓ కామెడీ షోలో చేసిన ‘గెటప్ బాబాయ్’ క్యారెక్టర్‌ను ఇమిటేట్ చేశారు చిరంజీవి. ఆ సమయంలో అంద‌రి ముఖంలో న‌వ్వులు విర‌బూసాయి. మెగాస్టార్ చిరంజీవి గారు, సూపర్ స్టార్ రజనీకాంత్ గారు… చిత్రసీమలో ఇద్దరు పెద్ద స్టార్లతో ఒకేసారి సినిమాలు చేయడం సంతోషంగా ఉంది. ఇదంతా ఓ కలలా ఉంది. చాలా ఆనందంగా ఉందని తమన్నా అన్నారు.
