Varahi : ప్ర‌స్తుతం ఏపీలో పవన్ కళ్యాణ్ వారాహి యాత్ర చేస్తున్న విష‌యం తెలిసిందే. మ‌రి కొద్ది రోజుల‌లో ఎల‌క్ష‌న్స్ రానున్న నేప‌థ్యంలో పవన్ ప్ర‌త్యేకంగా వారాహి అనే ప్ర‌చార ర‌థం తయారు చేయించుకున్నారు. ఈ ర‌థం ఎంత పాపులారిటీ సంపాదించుకుందో ప్ర‌త్యేకంగా చెప్ప‌న‌క్క‌ర్లేదు. దాదాపు నెల రోజుల పాటు రెండు తెలుగు రాష్ట్రాల‌లో ఈ వారాహి గురించి చ‌ర్చ‌లు న‌డిచాయి.ఇక ఇప్పుడు పవన్ కళ్యాణ్ వారాహి వాహ‌నంలో బ‌హిరంగ స‌భ‌ల‌ని నిర్వ‌హిస్తున్న విష‌యం తెలిసిందే. ఈ వాహనం ప్ర‌తి ఒక్క‌రిని ఆక‌ట్టుకుంటుంది. అయితే కోనసీమ జిల్లాలో వారాహి యాత్ర జరిపిన పవన్ కళ్యాణ్ కు బహుమతిగా ఇచ్చేందుకు ఆయన అభిమాని ఏకంగా మినీ వారాహి వాహనాన్ని తయారు చేశాడు.
పార్టీకి చెందిన ఓ మహిళా నేత కుమారుడే ఈ విధంగా పవన్ పై అభిమానాన్ని చాటుకున్నాడు. కోనసీమ జిల్లా రాజోలు నియోజకవర్గం మలికిపురం గ్రామంలో జనసేన ఎంపీటీసీ జక్కంపూడి విజయలక్ష్మి శ్రీనివాస్ కుమారుడు త‌న అభిమాన న‌టుడిపై ప్ర‌త్యేక అభిమానం చూపిస్తూ.. వారాహి పోలికలతో ఓ చిన్న వాహనం తయారు చేసాడు. ప్ర‌స్తుతం ఏపీ ఆంధ్రప్రదేశ్ రోడ్లపై తిరుగుతున్న వారాహిని చూసి మినీ వారహిని తయారు చేశాడు. ఆ బుడతడు ఈ మినీ వారాహిని తయారు చేయడానికి సుమారు 10 రోజులు సమయం పట్టింది. దీనిని పవన్ కళ్యాణ్ మీద ఉన్న అభిమానంతో ఆయనకు బహుమతిగా ఇవ్వటం కోసం తయారు చేశానని బాలుడు చెప్పుకొచ్చాడు.
బాలుడు స్వ‌యంగా పవన్ క‌ళ్యాణ్‌ని క‌లిసి ఆ మినీ వారాహిని గిఫ్ట్‌గా అందించాడు. పవన్ ఇది చూసి తెగ ఖుష్ అయ్యారు. ఉభ‌య గోదావ‌రి జిల్లాల‌లో ప‌ర్య‌టిస్తున్న పవన్ దృష్టిని ఆక‌ర్షించేందుకు ప‌లువురు వెరైటీ గిఫ్ట్స్ అందిస్తూ ఇస్తున్నారు. వాటిని పవన్ కూడా ఆప్యాయంగా స్వీకరిస్తున్నారు. ఇదే క్రమంలో ఈ మినీ వారాహి వాహనం కూడా రూపుదిద్దుకుంది. ఇది ఇప్పుడు పవన్ అభిమానుల్ని కూడా ఆకర్షిస్తోంది. ఇందుకు సంబంధించిన ఫొటోలు, వీడియోలు నెట్టింట తెగ హ‌ల్‌చ‌ల్ చేస్తున్నాయి.
