Dasara : నేచుర‌ల్ స్టార్ నాని నటించిన లేటెస్ట్ మూవీ ద‌స‌రా. మహానటి కీర్తి సురేష్ హీరోయిన్ గా నటించిన ఈ మూవీ మార్చి 30న శ్రీరామ నవమి సందర్భంగా విడుదలై బాక్సాఫీస్ వద్ద పెద్ద విజ‌యం సాధించింది. అద్భుతమైన కలెక్షన్స్ వసూలు చేసింది. శ్రీ లక్ష్మీ వెంకటేశ్వర సినిమాస్ బ్యానర్ పై సుధాకర్ చెరుకూరు నిర్మించిన ఈ మూవీకి క్రియేటివ్ డైరెక్టర్ సుకుమార్ శిష్యుడు శ్రీకాంత్ ఓదెల దర్శకత్వం వహించారు. ఈ చిత్రాన్ని తెలుగు, తమిళం, హిందీ, కన్నడ, మలయాళం భాషల్లో గ్రాండ్ గా విడుదల చేశారు. తెలంగాణలోని ఓ గ్రామం వీర్లపల్లి నేపథ్యంలో రూపొందిన ఈ సినిమాలో ధరణిగా నాని రగ్గడ్ లుక్ లో కనిపించగా మరో హీరోగా దీక్షిత్ ఆకట్టుకున్నాడు. ఇక వెన్నెలగా డీ గ్లామర్ పాత్రలో కీర్తి సురేష్ ఒదిగిపోయింది.
వీరితోపాటు మలయాళ నటుడు షైన్ టామ్ చాకో, సముద్ర ఖని, సాయి కుమార్, ఝాన్సీ, జరీనా వాహెబ్ వంటి తదితరులు కీలక పాత్రలు పోషించగా.. సంతోష్ నారాయణ్ బీజీఎమ్ కు అదిరిపోయే రెస్పాన్స్ వచ్చింది. . 100 కోట్ల‌కుపైగా కలెక్షన్స్ రాబ‌ట్టి నిర్మాత‌కు భారీగా లాభాల్ని మిగిల్చింది. థియేటర్లలో కాసుల వ‌ర్షాన్ని కురిపించిన ఈ సినిమా ఓటీటీలోకి రాబోతున్న‌ది. ద‌స‌రా డిజిట‌ల్ రైట్స్‌ను నెట్‌ఫ్లిక్ దాదాపు 22 కోట్ల‌కు కొనుగోలు చేసిన‌ట్లు స‌మాచారం. తెలుగుతో పాటు సౌత్ లాంగ్వేజెస్‌కు సంబంధించిన హ‌క్కుల‌ను నెట్‌ఫ్లిక్స్ ద‌క్కించుకున్న‌ట్టు తెలుస్తుంది.. మే 30 నుంచి తెలుగుతో పాటు తమిళం, మలయాళం, కన్నడ భాషల్లో ఈ సినిమా స్ట్రీమింగ్ కానున్న‌ట్లు స‌మాచారం.
చిత్రంలో ధరణిగా నాని యాక్టింగ్‌కు తెలుగు ప్రేక్ష‌కులు ఫిదా అయిపోయారు. కంప్లీట్ డీ గ్లామర్ క్యారెక్ట‌ర్‌లో నాని ఎంతో జీవించాడు. ప్ర‌పంచవ్యాప్తంగా దాదాపుగా 2710కి పైగా థియేటర్లలో విడుద‌లైన ఈ చిత్రం రిలీజ్ రోజు నుంచే సూపర్ హిట్ టాక్ తో దూసుకుపోయింది. మొదటి రోజున నాని కెరీర్ లోనే అత్యధిక కలెక్షన్స్ సాధించి రికార్డ్ క్రియేట్ చేసింది. ట్రయాంగిల్ లవ్, ఫ్రెండ్‌షిప్ బ్యాక్ డ్రాప్ లో రియలిస్ట్ రివేంజ్ యాక్షన్ ఎంటర్టైనర్ గా వచ్చిన ఈ సినిమా ఇప్పటికీ రూ. 112కి కోట్ల గ్రాస్ అందున్న‌ట్టు తెలుస్తుంది.
