Mahesh Babu: సూపర్ స్టార్ మహేష్ బాబు గురించి ప్రత్యేక పరిచయాలు అక్కర్లేదు. టాలీవుడ్ టాప్ హీరోలలో ఒకరిగా ఉన్న మహేష్ ప్రస్తుతం త్రివిక్రమ్ తో ఓ మూవీ చేస్తున్నాడు. దీని తర్వాత రాజమౌళి దర్శకత్వంలో మూవీ చేయనున్నాడు. అయితే మహేష్ అందం గురించి ఎప్పుడు చర్చ నడుస్తూనే ఉంటుంది. ఇండియాలోనే మోస్ట్ హ్యాండసమ్ హీరోల్లో సూపర్ స్టార్ మహేశ్ బాబు ఒకరు కాగా, హాలీవుడ్ హీరోలను తలపించే ఆయన లుక్ కు దేశ వ్యాప్తంగా ఎంతో అభిమానులు ఉంటారు. మిల్క్ బాయ్ గానూ అమ్మాయిల్లో క్రేజ్ దక్కించుకున్నారు.
ప్రస్తుతం మహేశ్ బాబు క్రేజీ ప్రాజెక్టుల్లో నటిస్తూనే పలు యాడ్ షూట్లలోనూ నటిస్తున్నారు. కొత్త లుక్స్ తో ఆకట్టుకుంటున్నారు. తాజాగా ఇండియాస్ నెంబర్ వన్ మెన్స్ మేర్స్ కు సంబంధించిన OTTO స్టోర్ కు యాడ్ షూట్ చేశారు. స్టైలిష్ షర్ట్స్, టీషర్ట్స్, అదిరిపోయే ట్రౌజర్స్ లలో సైలిష్ లుక్ ను సొంతం చేసుకున్న మహేష్ బాబు అద్భుతమైన స్టిల్స్ కు ఫ్యాన్స్ ఫిదా అవుతున్నారు. తమ అభిమాన హీరో న్యూ లుక్ కు అభిమానులు కూడా ఫుల్ ఖుషీ అవుతున్నారు. ప్రస్తుతం మహేశ్ బాబు యాడ్ కు సంబంధించిన పిక్స్ నెట్టింట వైరల్ అవుతుండగా, ఫ్యాన్స్ కూడా లైక్స్, కామెంట్లతో ఇంటర్నెట్ లో వైరల్ చేస్తున్నారు.
మహేష్ బాబు ఈ వయస్సులోను ఇంత అందంగా ఉండడానికి కారణం ఆయన చేసే వర్క్ అవుట్స్, డైట్స్ ఫాలో అవుతూనే ఉండడం. 47 ఏండ్ల వయస్సులోనూ మహేశ్ బాబు ఫిట్ గా ఉండడం చూసి ప్రతి ఒక్కరు ఆశ్చర్యపోతూ ఉంటారు. ప్రస్తుతం మహేష్ బాబు తన 28వ సినిమా కోసం మరింత వర్కౌట్స్ చేస్తుండటంతో మరింత ఫిట్ గా మారిపోయారు. కండలు తిరిగిన బాడీతో ఇప్పటికే ఆశ్చర్యపరిచిన విషయం తెలిసిందే. ఈక్రమంలో మహేశ్ లేటెస్ట్ లుక్ అభిమానులను ఫిదా చేస్తోంది.
